Gürcüstanın azərbaycanlıların yığcam yaşadıqları Marneuli şəhərində fevralın 15-dən 19-dək gənclər arasında boks üzrə Gürcüstan çempionatı keçiriləcək.
Gürcüstan Milli Boks Federasiyasının təşkil etdiyi çempionatda ölkə vətəndaşı olan 7 azərbaycanlı gənc də mübarizə aparacaq.
Bu idman yarışmasında azərbaycanlılarla yanaşı, gürcü və digər millətlərin nümayəndələri də güclərini sınayacaqlar.
Çempionat Marneuli şəhərindəki “Ata Holdinq” salonunda təşkil olunacaq.