Bu gün Bakı İdman Sarayında gənclər arasında cüdo üzrə Azərbaycan birinciliyinə start verilib.

Azərbaycan Cüdo Federasiyasının təşkilatçılğı ilə keçirilən yarışın ilk günündə 45 klubdan 127 cüdoçu (87 oğlan, 40 qız) qüvvəsini sınayır.

Yarışın birinci günündə qızlar 44, 48, 52, 57, 63, 70, 78 və 78 kiloqramdan yuxarı, oğlanlar isə 55 və 60 kiloqram çəki dərəcələrində mübarizə aparırlar.

Gənc cüdoçuların respublika birinciliyinə fevralın 15-də yekun vurulacaq.