ŞKTR prezidenti Dərviş Əroğlu müsəlman investorlara müraciət edib

Şimali Kipr Türk Respublikasının prezidenti Dərviş Əroğlu ŞKTR-ə yatırılacaq sərmayə və gələcək üçün təhlükə olmadığını, Şimali Kiprin etibarlı və zəmanətli bir dövlət olduğunu ifadə edərək, İslam ölkələrinin investorlarına müraciət edib.

Şimali Kipr mediasının xəbərinə görə, preizdet deyib: "Gəlin ölkəmizə sərmayə qoyun. Sərmayə qoysanız peşman olmayacaqsınız".
Xarici İşlər nazirliyi ilə İslam Əməkdaşlıq Təşkilatı (İİT) və İslam İnkişaf Bankının ortaq təşkilaçılığıyla "Fürsətlər adası" şüarı altında təşkil edilən "Şimal Kiprdə sərmayə" forumunda çıxış edən Əroğlu forumun dost və qardaş ölkələrə yeni üfüqlər və işbirlikleri yaradacağına inandığını bildirib.

Mehriban, xoşməramlı, müvəffəqiyyətli bir xalqa sahib olduqlarını ifadə edən prezident sərmayəçilər əlverişli şəraitin yaradılacağını vəd edib: "ŞKTR bu gün xarici sərmayəçilərə uyğun fürsətlər təqdim etməkdədir. Bu gün uyğun olan fürsətlər gələcəkdə olmaya bilər. Bunlar yaxşı qiymətləndirilməlidir. Bu gün bu fürsətləri qiymətləndirənlər, gələcəkdə bunları axtaranlara görə daha üstün hala gələcək".