Martın 5-də Topaz Premyer Liqasının XXI turuna “Neftçi” – “Zirə” matçı ilə yekun vurulub.

İlin ən yaxşıları arasında olan "Neftçi" öz meydanında "Zirə"ni qəbul edib. Hesabı "ağ-qaralar" açsalar da, sevincləri çox çəkməyib. Seqoviyanın penaltidən vurduğu qola Navalovski avtoqolla "cavab verib". Duriçin uzaq zərbədən vurduğu baxımlı qol isə "Zirə"yə qələbə qazandırıb. Beləliklə gənc məşqçi Ayxan Abbasovun rəhbərlik etdiyi qonaq komanda 2:1 hesabı ilə qələbə qazanıb və dördüncü pillədəki mövqeyini gücləndirib.