Argentinalı keçmiş futbolçu Dieqo Maradona FİFA-nın səfiri vəzifəsindən istefa verib.
Maradona bu addımı argentinalı tanınmış teleşərhçi Marselo Tinellinin ölkənin futbol üzrə milli komandalarına menecer təyin edilməsinə etiraz olaraq atdığını bildirib.
“Bununla bağlı FİFA prezidenti Canni İnfantinoya ərizə yazmışam”, - deyə 1986-cı ilin dünya çempionu vurğulayıb. İnfantino yaxın zamanda Maradonanın ərizəsinə cavab verməlidir.
Qeyd edək ki, Dieqo Maradona fevralın 9-dan FİFA-nın səfiridir.