"Bu ay ləğvetmə prosesində olan bütün banklar üzrə Kreditorlar Komitəsi fəaliyyətə başlayacaq". Bunu bu gün keçirilən mətbuat konfransında Əmanətlərin Sığortalanması Fondunun icraçı direktoru Azad Cavadov deyib.

Onun sözlərinə görə, Əmanətlərin Sığortalanması Fondu ləğv olunan banklarda Kreditorlar Komitəsinin yaradılmasını təklif edib: "Bəzi banklar üzrə Kreditorlar Komitəsi yaradılıb, digərlərində hələ də yaradılmayıb. Bu ay Kreditorlar Komitələrinin yaradılması prosesi başa çatacaq. Bu yaxınlarda Kreditorlar Komitəsinin iclası keçiriləcək. Bunun ardınca məhkəmənin təsdiqi ilə Kreditorlar Komitəsinin ikinci iclası keçiriləcək".