E vitamini 2 növ molekuldan ibarətdir - tokoferol və tokotrienol. Əsas qidaların və apteklərdə satılan E vitamini kapsulların tərkibində tokoferol var.

Tokotrienol daha nadir maddədir. Lakin yeni elmi araşdırdırmalar göstərib ki, məhz tokotrienol əsl supervitamin adlandırmaq olar. Tokotrienol çox güclü antiokidantdır, orqanizmi hüceyrə səviyyəsində bərpa edir, müxtəlif pozulmaların və xəstəliklərin, o cümlədən xərçəngin inkişafının qarşısını alır.

Alimlər xüsusilə vurğulayırlar ki, tokotrienol sinir hüceyrələrini qoruyur və onların bərpasını sürətləndirir.

Tokotrienol damarları və kapilyarları qoruyur, aterosklerozun qarşısını alır.

Tokotrienol dəri və sümüklər üçün də çox faydalıdır.

Araşdırmalar həmçinin göstərib ki, bu supervitamin süd vəzi, mədəaltı vəzi, prostat vəzi xərçənginin inkişafını ləngidir, xərçəng hüceyrələrinin məhv olmasını sürətləndirir, piylənmənin, şəkərli diabetin riskini azaldır.

Tokotrienolun əsas mənbələri qırmızı palma yağı, düyü kəpəyi, cücərdilmiş buğda, kokos, kakao yağı, arpa, soya kimi məhsullardır.