Bakıdakı Avropa Azərbaycan Məktəbində Şagird Birliyinin əsası qoyulmuş,10-cu sinif şagirdi Prezident seçilmişdir.



19 aprel 2017-ci il tarixində Avropa Azərbaycan Məktəbində Şagird Birliyi yaradıldı. Birliyin məqsədi şagirdlərdə liderlik bacarıqlarının inkişaf etdirilməsi və onları sərbəst həyata hazırlamaqdır. Şagird Birliyinin idarə heyəti prezident, vitse-prezident və könüllülər koordinatorundan ibarətdir.
Qurum məktəb rəhbərliyi ilə sıx əlaqə quracaq, müstəqil qərarlar verəcək, layihələr həyata keçirəcək və məktəbin inkişafına töhfələr verəcəkdir.
Şagird Birliyinin idarə heyətinə seçilənlər Prezident - Yusif Əlizadə, 10a sinif şagirdi
Vitse-prezidentlər - Toğrul Gülməmmədov (10b),
Nərmin Səmədzadə(10b),
Sena Şengül (10a),
Vaqif Süleymanov (10b)
Könüllülər koordinatoru - Cavad Məmmədli (10b)



Təkcə orta məktəb riyaziyyat kursu şagirdlərə bu elmin prespektivlərini tam mənası ilə dərk etməyə imkan vermir. Riyaziyyatın yaradıcılıq və tətbiq imkanlarını şagirdlərə aşılamaq üçün onun opulyarlaşdırılmasının xüsusi əhəmiyyəti vardır.

AMEA Riyaziyyat və Mexanika İnstitutu “Elm və təhsilin inteqrasiyası” proqramı çərçivəsində orta məktəb şagirdləri üçün riyaziyyatdan elmi- populyar mühazirə və seminarlar keçirir. Proqrama daxil olan
“Gənc Riyaziyyatçılar Məktəbi” layihəsiçərçivəsində aprelin 20-də keçirilən növbəti belə seminarda Avropa Azərbaycan Məktəbinin müəllimləri – Kərim Cəfərli, Mətanət Sultanova və Səkinə İsmayılova, habelə şagirdləri – Nicat Zəkəriyyəzadə (10a), Fərid Alməmmədov (10b), Cavad Məmmədli (10b),
Fuad Xasıyev (9a) və Xuraman Ələkbərova (9c) da iştirak etmişlər.
Seminarda institutun “Riyazi fizika tənlikləri” şöbəsinin aparıcı elmi işçisi, fizika-riyaziyyat elmləri namizədi Əbdürrəhim Quliyev “Dirixle, yaxud,Göyərçin qəfəslər prinsipi” mövzusunda şagirdlər qarşısında çıxış etmiş və bu prinsipin ədədlər nəzəriyyəsinin, həndəsənin və kombinatorikanın çeşidli məsələlərinin həllinə tətbiqi göstərilmişdir.
Tədbirdən sonra Avropa Azərbaycan Məktəbinin (AAM) müəlim və şagirdləri AMEA Riyaziyyat və Mexanika İnstitutunun direktoru, Azərbaycanın Respublikasının sabiq təhsil naziri, fizika-riyaziyyat elmləri doktoru, professor Misir Mərdanovla ünsiyyət qurmuşlar.