Azərbaycan musiqiçiləri mayın 6-10-da Tbilisidə keçiriləcək Beynəlxalq III müəllif Mahnıları Festivalında iştirak edəcəklər.
Tədbiri keçirməkdə məqsəd müəllif mahnıları (bard) janrını təbliğ etməkdir.
İlk festival 2014-cü ildə Tbilisidə keçirilib. Birinci festival Bulat Okucavanın xatirəsinə həsr edilib. 2015-ci ildə keçirilən ikinci tədbir isə faşizm üzərində qələbənin 70 illiyinə həsr olunub.
Festivalda Azərbaycan musiqiçiləri də daxil olmaqla 15 xarici ölkənin, o cümlədən Almaniya, Gürcüstan, Belarus, Ukrayna, Rusiya, Çexiya, Estoniya, Latviya və İsrail təmsilçiləri də iştirak edəcəklər.