Nümayəndələr Palatasının Silahlı Xidmətlər üzrə Alt Komitəsi İsrailin alacağı qısa mənzilli müdafiə raketləri üçün 680 milyon dollarlıq yardım qərarını təsdiqləyib.

Keçən həftə iki respublikaçı konqresmen tərəfindən hazırlanan layihə İsrailin "Dəmir qübbə" dediyi qısa və orta mənzilli raket hücumlarına qarşı yaratdığı raket müdafiə sistemini əhatə edir. Bu çərçivədə ediləcək yardımla müdafiə məqsədli qısa mənzilli raket alınması planlaşdırılır.

Alt komitədə qəbul edilən layihənin həyata keçməsi üçün əvvəlcə Nümayəndələr Palatasının, sonra isə prezident Barak Obamanın razılığı lazımdır. Qərar təsdiqlənərsə, bu, ABŞ-ın indiyə qədər etdiyi ən böyük silah yardımı olacaq.