SOCAR-ın Marketinq və İqtisadi Əməliyyatlar İdarəsi bu ilin aprel ayında 47 min 90 ton dizel yanacağı, 3 min 926 ton təyyarə yanacağı, 117 ton soba mazutu, 8 min 314 ton yüksək təzyiqli polietilen, 358 ton mütləqləşdirilmiş izopropil spirti, 4 min 710 ton maye piroliz qatranı, 2 min 908 ton propilen və 1405 ton butilen butadien fraksiyası ixrac edib.

Şirkətin mətbuat xidmətindən bildirilib ki, ümumilikdə bu ilin yanvar-aprel ayları ərzində 252 min 918 ton dizel yanacağı, 18 min 822 ton təyyarə yanacağı, 117 ton soba mazutu, 32 min 593 ton yüksək təzyiqli polietilen, 4 min 348 ton mütləqləşdirilmiş izopropil spirti, 21 min 922 ton maye piroliz qatranı, 14 min 96 ton propilen və 10 min 83 ton butilen butadien fraksiyası ixrac olunub.

Aprel ayında dünya bazarında etilləşdirilmiş benzinin bir tonu 555,19 ABŞ dollarına, təyyarə yanacağı 493,19 dollara, dizel yanacağı 460,89 dollara, 1 faizli kükürdlü mazut 306,35 dollara, yüksək təzyiqli polietilen 1260 dollara, butilen butadien fraksiyası 758,81 dollara, maye piroliz qatranı 555,19 dollara, propilen 880 avroya, mütləqləşdirilmiş izopropil spirti isə 1575 avroya satılıb.