Aprelin 30-da jurnalistlərə danışan İranın müdafiə naziri Əhməd Vəhidi ABŞ-ın “F-22” qırıcı təyyarələrinin Birləşmiş Ərəb Əmirliklərində yerləşdirilməsinə münasibət bildirib.
Əhməd Vəhidi deyib ki, bölgədəki təhlükəsizliyi qoruyub saxlamaq yalnız region ölkələrinin birgə əməkdaşlığı ilə mümkündür: “ABŞ-ın “F-22” qırıcılarının Birləşmiş Ərəb Əmirliklərinin bir hərbi bazasında yerləşdirilməsi bölgənin təhlükəsizliyini pozacaq ziyanlı bir addımdır. Biz bu addımı faydalı saymırıq. Çünki bölgədən kənar qüvvələrin buraya gəlməsi hazırkı gərgin vəziyyəti daha da mürəkkəbləşdirir”.