Milli Dirçəliş Hərəkatı Partiyasının sədri, Milli Məclisin Avronest PA-dakı nümayəndə heyətinin üzvü Fərəc Quliyev qurumun İqtisadi inteqrasiya, hüquqi yaxınlaşma və Avropa İttifaqı siyasəti ilə uyğunluq komitəsi ilə Enerji təhlükəsizliyi komitəsinin birgə iclaslarında iştirak etmək üçün Moldovanın paytaxtı Kişinyov şəhərində səfərdədir. Nümayəndə heyyətindəki həmkarları Fuad Muradov və Ağalar Vəliyevlin də qatıldığı birgə iclasda İqlim Dəyişikliyi ilə bağlı 2015-ci il Paris Razılaşmasının tətbiqinə, Avropa İttifaqı və Şərq Tərəfdaşlığı ölkələrində gənclərin işsizliyinin vəziyyətinə dair müzakirələr aparılacaq, perspektivlər araşdırılacaq. Təşkilati məsələlərə baxılacaq.
Tədbir çərçivəsində Moldova parlamentinin sədri Andrian Kandu Azərbaycan nümayəndə heyətini qəbul edəcək.
Qurumun Enerji təhlükəsizliyi komitəsinin üzvü kimi Fərəc Quliyev Moldovanın nazirləri ilə görüşlərdə iştirak edəcək.