Azərbaycandan İrana şeir müsabiqəsində iştirak etmək üçün gedən və həbs olunan iki azərbaycanlı şair barəsində artıq MTN araşdırmalara başlayıb. Bu barədə şair Aqşin Yenisey məlumat verib. Onun sözlərinə görə, həmin şəxslərin hansı səbəblərdən həbs olunması hələ ki, məlum deyil.

Şair Şəhriyar Delgeraninin atası Hacı Mayıl Hacıyev də artıq müvafiq qurumalara müraciət etdiyini və MTN-dən ona bununla bağlı araşdırmalara başlanıldığı barədə məlumat verildiyini deyib.

Məsələni araşdırmaq üçün Xarici İşlər Nazirliyinə müraciət etsək də nazirliyin mətbuat xidmətinin rəhbəri Elman Abdullayev məsələnin diplomatik nümayəndələr vasitəsilə araşdırıldığını və hələki heç bir informasiyaya malik olmadıqlarını bildirib.

Azərbaycandn İrana şeir musabiqəsinə gedən iki Azərbaycanlı şair həs olunub.

Bu barədə gənc şair Aqşin Yenisey məlumat verib. O bildirib ki, iki gün əvvəl Təbrizdə təşkil olunan şer müsabiqəsinə qatılmaq üçün qonşu ölkəyə getmiş şairlər Fərid Hüseyn və Şəhriyar Delgərani həbs edilib.

A. Yenisey deyib ki, onların dünən həbs edildiyi bildirilir. Amma hansı səbəbə həbs olunduqları və harada saxlanılmaları barədə heç bir məlumat yoxdur: “Hazırda həmin şəxslərə yaxın adamlardan və müsabiqə təşkilatçılarından onların nə üçün həbs oolnmaları barədə məlumat toplayırıq”.