Dünən Ankarada Türkiyə və Rusiya xarici işlər nazirlərinin müavinləri Firidun Sinirlioğlu və Qriqori Karasin arasında görüş keçirilib.

APA-nın Rusiya XİN-in rəsmi veb-saytına verdiyi məlumata görə, görüşdə Dağlıq Qarabağ münaqişəsinin nizamlanması məsələsi müzakirə olunub.
Növbəti məsləhətləşmələr zamanı nazir müavinləri Mərkəzi Asiya və Cənubi Qafqaz bölgələrinin aktual məsələləri, o cümlədən Dağlıq Qarabağ münaqişəsinin həlli yolları ətrafında fikir mübadiləsi aparıblar.