Beynəlxalq Atom Enerjisi Agentliyinin İrandakı ekspertlərindən olan Cənubi Koreya vətəndaşı Ok Seok Seo mayın 8-də günorta saatlarında baş vermiş avtomobil qəzasında həlak olub.

İranın mərkəzi əyalətində, Xəndab nüvə kompleksi yaxınlığında baş verən qəza nəticəsində Beynəlxalq Atom Enerjisi Agentliyinin digər eksperti, Slovakiya vətəndaşı Qan Sek isə ağır yaralanaraq xəstəxanaya yerləşdirilib.

Agentlik ekspertlərini aparan avtomobilin qəzaya uğramasının təfərrüatı haqda məlumat verilməsədə yol qəzası öncədən hazırlandığı ehtimal olunur.