TÜRKPA 16-19 may tarixlərində Ankarada keçiriləcək Dünya Türk Gəncləri Birliyinin XI Liderlər Zirvəsində təmsil olunacaq.
Bazar ertəsi TÜRKPA katibliyindən bildiriblər ki, təşkilatın baş katibi Ramil Həsənov tədbirin rəsmi açılış mərasimində çıxış edəcək.
Həmçinin, Ankaraya səfər çərçivəsində Həsənovun TÜRKPA-nın III Plenar Sessiyasına hazırlıq məqsədi ilə Türkiyə parlamentinin millət vəkili, TÜRKPA-nın Hüquq Məsələləri Komissiyasının sədri Haluk İpek və TBMM Aparat rəhbəri İrfan Neziroğlu ilə görüşləri nəzərdə tutulub.
Səfər zamanı Həsənovu müavini Kürşad Melih Sarıarslan müşayiət edəcək.