ABŞ Konqresinin yuxarı palatası mayın 21-də İrana qarşı yeni sanksiyalar paketinin tətbiqi haqda qanun layihəsi qəbul edib. Senatın qəbul etdiyi qanun layihəsi prezident Barak Obamanın 2012-ci ilin yanvarında tətbiq etdiyi sanksiyaların genişləndirilməsini nəzərdə tutur. O vaxt neft hasilatından daxil olan gəlirlərin keçdiyi İran Mərkəzi Bankı ilə əməkdaşlıq edən xarici təşkilatlara Amerika maliyyə institutları ilə əlaqə qurmaq yasaqlanmışdı. Yuxarı palatanın mayın 21-də qəbul etdiyi qanun layihəsi İranın “National İranian Oil” və “National İranian Tanker” banklarına şamil olunur.

İrana qarşı sanksiyaları kəskinləşdirən qanun layihəsini əvvəl Konqresin aşağı palatası qəbul etmişdi.