“İran bilməlidir ki, türk dövlətidir”


“Biz sənədlərdə türkdilli dövlətlər yazırıq, artıq türk dövlətləri anlayışını sənədlərə gətirməliyik”. Bunu Milli Məclisin bu gün keçirilən iclasında Mədəniyyət komitəsinin sədri Nizami Cəfərov söyləyib. Komitə sədri deyib ki, İran da türk dövlətidir:
“Biz tarixi bilirik. İndi müəyyən dövrdür ki, fars dili rəsmi dildir. Ancaq İran bilməlidir ki, türk dövlətidir”. N.Cəfərov onu da bildirib ki, Azərbaycan Türkiyədən Orta Asiyaya daha yaxındır, körpü rolunu oynayır: “Türkiyə də bunu qəbul etməlidir. Bizim prezidentimizin türk dünyasında nüfuzlu lider kimi qəbul olunması da faktdır”.