Azərbaycanın gömrük-sərhəd məntəqələrində hər il 300-360 kq narkotik vasitələr müsadirə edilir.

Bunu Dövlət Gömrük Komitəsinin sədri Aydın Əliyev bəyan edib.

Onun sözlərinə görə, bu ilin əvvəlində gömrük orqanları 220 kq-dan çox narkotik vasitə müsadirə edib.

A.Əliyev bildirib ki, əgər əvvəllər narkotik vasitələr sırasında həşiş və tiryək üstünlük təşkil edirdisə, hazırda heroin onların yerini tutub ki, bu da çox qorxuducu amildir: “Həmçinin metafitamin kimi narkotik vasitə də müsadirə olunur. Bu yaxınlarda hava limanında Azərbaycan vətəndaşından 2,2 kiloqram metafitamin müsadirə olunub”.