Bakıda dünya şöhrətli alim Lütfi Zadənin dəfn mərasimi olub.

Mərhumla Elmlər Akademiyasındakı vida mərasimi başa çatandan sonra, Lütfi Zadənin nəşi I Fəxri xiyabana aparılaraq torpağa tapşırılıb.

Alim sentyabrın 6-da Amerika Birləşmiş ştatlarının (ABŞ) Kaliforniya ştatında 96 yaşında dünyasını dəyişib. Mərhumun nəşi vəsiyətinə uyğun olaraq Bakıya gətirilib və Vətənində dəfn edilib.

Xatırladaq ki, Kaliforniya Universitetinin professoru, dünya şöhrətli azərbaycanlı alim, qeyri-səlis çoxluqlar nəzəriyyəsinin və qeyri-səlis məntiqin banisi Lütfi Zadə fevral ayının 4-ü 1921-ci ildə Bakıda dünyaya gəlib.