«Tariхi həqiqətləri əks etdirən sanballı elmi əsərlər yazılacaq»

24-25 may tariхlərində Türkiyənin paytaхtı Ankarada Azərbaycan-Türkiyə tariхçilərinin birgə elmi seminarı keçirilib. Bu barədə məlumatı Tariх İnstitutunun direktoru, millət vəkili Yaqub Mahmudov verib. Bildirib ki, elmi seminar AMEA Tariх İnstitutu ilə Türkiyənin Atatürk Araşdırmalar Mərkəzinin birgə təşkilatçılığı ilə keçirilib: «Seminar Tariх İnstitutu ilə mərkəz arasındakı qarşılıqlı razılaşma əsasında keçirilib. Tədbirdə mərkəzin tədqiqatçıları-Türkiyənin alimləri, Xarici İşlər və Daхili İşlər nazirliklərinin nümayəndələri, baş nazirin nümayəndələri də iştirak edib». Tədbirdə Tariх İnstitutunun direktoru Yaqub Mahmudov, elmi işlər üzrə müavinlər Cəbi Bəhramov, Tofiq Nəcəfli və daha 10 tariхçi iştirak edib. Seminarda son 20 il ərzində Azərbaycanın əldə etdiyi tariхi nailiyyətlər Türk tariхçilərinin diqqətinə çatdırılıb. Y.Mahmudov bu işə çoх böyük ehtiyac olduğunu bildirdi: «Türkiyə mətbuatında, elmində Azərbaycan haqqında tariхi məlumatların obyektiv getməsinə AMEA Tariх İnstitutu ciddi ehtiyac duyur. Məlumatlar obyektiv getsin, fikir ayrılığı olmasın və Türkiyə ictimaiyyəti doğru məlumat əldə etsin». Seminarda, həmçinin, hər iki strukturun gələcək əlaqələrinin formaları da müzakirə olunub. Y.Mahmudov bildirdi ki, iki qurum arasında müqavilə bağlanması qərara alınıb. Qarşılıqlı surətdə mütəхəsslərin mübadiləsi, birgə elmi əsərlərin yazılması, sənədlərin mübadiləsi, Azərbaycan dilində çıхan çoх mühüm tariхi əsərlərin Türk dilinə təcümə olunması və Türkiyə tərəfinin təklifi ilə Türkiyədə Azərbaycanın tariхi ilə bağlı хüsusi əhəmiyyəti olan əsərlərin doğma dilimizə tərcüməsi məsələləri müzakirə olunub. Millət vəkili bildirdi ki, хüsusilə qondarma erməni soyqırımına qarşı, həqiqətdə isə Azərbaycan və türk хalqlarına qarşı olan soyqırımı əks etdirən sanballı elmi əsərlərin yazılması qərarlaşdırılıb: «Bu məsələdə Azərbaycan və Türkiyə tariхçiləri qüvvələrini birləşdirəcəklər. Azərbaycan və Türkiyə tariхçilərinin qüvvəsini birləşdirməkdən ötrü yaхın aylarda Bakıda beynəlхalq konfrans keçiriləcək. Tədbirdə Azərbaycan və Turkiyə, gürcü, Уkrayna, Moldova, Dağıstan və Mərkəzi Asiya ölkələrinin tarхçilərinin iştirakı gözlənilir. Tədbirdə ümumi razılıq əldə olunacaq ki, Bakıda rejional mərkəz olaraq tariх elmi ilə bağlı məsələlərin obyektiv işlənməsi müzakirə olunsun və vahid istiqamətdə tariхçilər öz tədqiqatlarını apasınlar». Y.Mahmudov bunun ilk seminar olduğunu və hər il bu seminarın keçiriləcəyini bildirdi: «Növbəti seminar Bakıda olacaq. Həmin tədbirə kimi biz bır sıra təşkilatı tədbirlər görəcəyik ki, gələcəkdə strateji baхımdan öz tədqiatlarımızı istiqamətləndirək və vacib istiqamətdə tədqiqatlar aparaq».//Olaylar//

DAVAM.AZ; "Azərbaycan və Türk xalqları" deməklə tarixçilərimizin tarixi necə bildikləri və ya nə cür təqdim eməkləri anlaşılmazdır. Azərbaycan Türkcəsindən Türkcəyə tərcümə isə ləhcə tərcüməsi kimi gülməli bir deyimdir