Türkiyədə fəaliyyət göstərən Əsassız Erməni İddialarına qarşı Beynəlxalq Mübarizə Dərnəyinin (ASİMDER) başqanı Göksel Gülbey PKK-nın Ermənistan və işğal altındakı Azərbaycan ərazilərindəki fəaliyyətinə dair növbəti açıqlamalar verib.
Gülbey PKK-nın Ermənistan və Gürcüstanla yanaşı Qazaxıstanda da müəyyən çevrələr tərəfindən dəstəkləndiyini deyir.
Terror təşkilatı PKK Avropadan, İrandan, Suriyadan, İraqın şimalından gələn miltanların keçiş nöqtəsi olaraq Ermənistandan sonra Gürcüstanı da istifadə etməyə başladı. Ermənistandakı düşərgələrini yenidən fəaliyyətə keçirən təşkilat Türkiyə və Avropadan gətirdiyi gənclərin Qazaxıstanın Albay Ata Dövlət Universitetinin xarici dillər fakütləsində təhsil almasını təmin edir. Təşkilat üçün Ermənistan böyük əhəmiyyət daşıyır. PKK-nın Gümrü, Spitak, İrəvan, Laçın və Kəlbəcərdə düşərgələri var. Ermənistanda PKK-ya ən böyük dəstəyi Daşnaksütun partiyası verir”-Gülbey bildirir.
ASİMDER başqanı deyir ki, Gürcüstanda fəaliyyət göstərən Kürdlərin Haqları və Dini Dərnəyi, Kürd Gənclər Dərnəyi, Kürd Kültür Dərnəyi, Yezidi Kürd Qadınlar Dərnəyi PKK-nın nəzarətindədir. Təşkilatın Gürcüstanda fəaliyyətini uzun müddət Beynəlxalq Kürd Mədəniyyət və İnformasiya Bürosunun rəhbəri olmuş Abdurrahman Patiyev həyata keçirir.
“Qazaxıstan prezidenti Nursultan Nazarbayevin müşavirli olan professor Nadir Nadirov da PKK-nın fəaliyyətinə dəstək verir. PKK-nın Qazaxıstandakı fəaliyyəti Moskvadan kurasiya edilir. Qazaxıstandakı Kürd Mədəniyyət Dərnəyi PKK-ya bağldır. Nadir Nadirov Kürd Beynəlxalq Konqresi üzvlərinə dəstək verir”-ASİMDER başqanı deyir.
Gülbeyin iddiasına görə PKK-nın Qazaxıstandakı lideri əslən Gürcüstandan olan azərbaycanlı, özünü kürd kimi təqdim edən, Abay Universitetinin xarici dillər fakültəsinin dekanı professor Knyaz İbrahimovdur. Bu şəxs 1994-cü ildə Moskvada təşkil edilən kürd konfransının təşkilatçılarından biridir. “İsveçdə Türkiyə əleyhinə fəaliyyətlərinə görə deportasiya edilən gəncləri Qazaxıstana aparır. Onları müxtəlif universitetlərə qəbul etdirir, bu gənclərdən fəal militanlar yetişdirir”-Gülbey iddia edir