GUAM (Gürcüstan, Ukrayna, Azərbaycan, Moldova) təşkilatının Kiyevdə yerləşən Katibliyin ofisində üzv-ölkələrin maliyyə ekspertlərinin görüşü keçirilib.
Azərbaycanı bu toplantıda Xarici İşlər Nazirliyi Valyuta-maliyyə İdarəsinin rəisi Nazim Əliyev təmsil edib.
Görüş iştirakçıları GUAM-ın 2013-cü il üçün büdcəsini müzakirə edərək müəyyən korrektə aparıblar. Sənəd dövlətdaxili proseduralardan keçmək üçün üzv-ölkələrə göndərilib.
İclasda həmçinin maliyyə ekspertləri GUAM-ın Maliyyə Əsasnaməsi və qaydaların yeni redaktədə mətni üzərində işi davam etdiriblər.