Səudiyyə Ərəbistanında 11 şahzadə və 4 nazir həbs edilib. Əl-Ərəbiyyə kanalının məlumatına görə, həbs edilənlər korrupsiya əməllərində ittiham olunurlar. Şahzadə və nazirlərə qarşı ölkənin Cinayət Məcəlləsinin müxtəlif maddələrinə əsasən ittiham irəli sürülüb.

Verilən məlumata görə, həmin şəxslər ölkədən qanunsuz yollarla külli miqdarda valyuta çıxarıb, Səudiyyə Ərəbistanı ilə başqa dövlətlərin imzaladığı müqavilələrə əsasən alınan malların dəyərini həddən artıq yüksək göstərib və çirkli pulların yuyulmasında iştirak ediblər.

Cinayət işini Kral tərəfindən yaradılan Səudiyyə Ərəbistanının Korrupsiyaya ilə Mübarizə Komitəsi aparır.

Rabil Kətanov