Bakının Nərimanov rayonuərazisində yerləşən “AFEN Plaza”nın binasında güclü yanğın baş verib.
Yusif Vəzir Çəmənzəminli küçəsindəki binada meydana çıxan alovun süöndürülməsinə Fövəladə Hallar Nazirliyinin yanğınsöndürmə briqadası cəlb edilib.

Eyni zamanda, xəsarət alma ehtimalı olan insanlara yardım etmək üçün təcili tibbi yardım briqadası cəlb olunub.


***

Fövqəladə Hallar Nazirliyi Bakıdakı biznes mərkəzində baş verən yanğınla bağlı məlumat yayıb.

Nazirlik bildirib ki, Böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhərinin Nərimanov rayonunda “AFEN PLAZA" biznes mərkəzinin dam örtüyündə yanğın müşahidə olunur.
Hazırda Dövlət Yanğından Mühafizə Xidmətinin və Xüsusi Riskli Xilasetmə Xidmətinin müvafiq xilasetmə qüvvələri hadisə yerindədir. Yanğının söndürülməsi istiqamətində işlər və digər xilasetmə tədbirləri həyata keçirilir.


***

Bakı şəhərinin Nərimanov rayonunda “AFEN PLAZA" biznes mərkəzində baş verən yanğın artıq söndürülüb.