Qırğızıstan Prezidenti Sooronbay Jeenbekov ilk fərmanı ilə eks-prezident Almazbek Atambayevə dövlət müstəqilliyinin möhkəmləndirilməsi sahəsindəki böyük xidmətlərinə, ölkədə əmin-amanlıq, dayanıqlı sabitlik yaratdığına, dövlət başçısı kimi siyasi iradə və hünər göstərdiyinə görə “Qırğız Respublikasının Baatırı”- Qırğızıstan Qəhrəmanı adı verib. A.Atambayev, həmçinin “Ak Şumkar” xüsusi döş nişanı ilə təltif edilib.

Bu haqda Qırğızıstan Prezidentinin mətbuat xidməti məlumat yayıb.

Xatırladırıq ki, oktyabrın 15-də Qırğızıstanda keçirilən prezident seçkilərində Sooronbay Jeenbekov dövlət başçısı seçilib və noyabrın 24-də onun andiçmə mərasimi olub.

Qulu Kəngərli