Ankarada türkdilli ölkələrin “Dildə, fikirdə, işdə birlik” adlı qurultayı keçirilib.

Türkiyənin Mədəniyyət və Turizm Nazirliyinin dəstəyi, “Yeni Türkiyə” Strateji Araşdırmalar Mərkəzinin təşəbbüsü ilə keçirilən qurultayda ölkəmiz də təmsil olunub.

AMEA-nın əməkdaşı, filologiya üzrə fəlsəfə doktoru Pərvanə Məmmədli qurultayda “İranda türk dilinin tarixi və ləhcələri” adlı məruzə ilə çıxış edib.

Həmyerlimizin məruzəsi böyük maraqla qarşılanıb. O, strateji araşdırmalar mərkəzinin diplomuna layiq görülüb.