Fransa polisi iyunun 4-də və 8-də eyni vaxtda Paris və Limoj şəhərlərində həyata keçirdiyi əməliyyat zamanı uzun müddət ölkədə oğurluqla məşğul olan ermənilərdən, ruslardan və gürcülərdən ibarət mütəşəkkil cinayətkar dəstənin üzvlərini həbs etmişdir.
Dəstənin 17 nəfər üzvü Limojda, 4-ü isə Parisdə yaxalanmışdır. 20-35 yaşlarında olan cinayətkarlar 200 mənzili qarət etməkdə günahkar bilinirlər. Onların həmin mənzillərdən 1000 ədəddən artıq qiymətli əşyalar oğurlamaları güman olunur.
İlkin dindirilmədə cinayətkar dəstənin bəzi üzvləri oğurladıqları qızıl, gümüş, həmçinin digər qiymətli zinət əşyalarını Belçikada satdıqlarını etiraf etmişlər.