ABŞ İrandan neft idxal edən 7 ölkəni sanksiyalardan azad edib. Bunu ABŞ dövlət katibi Hillari Klinton bəyan edib.
Onun sözlərinə görə, sanksiyalardan azad olunan ölkələr Hindistan, Malayziya, Cənubi Koreya, CAR, Şri-Lanka, Türkiyə və Tayvandır.
Qeyd edək ki, bir ay əvvəl Belçika, Çexiya, Fransa, Almaniya, Yunanıstan, İtaliya, Yaponiya, Niderland, Polşa, İspaniya və Böyük Britaniya sanksiyaların təsirindən azad olunub. Bununla belə, İranın ixrac etdiyi xam neftin 1/5 hissəsini alan Şimali Koreya sanksiyalarla üzləşə bilər.
H.Klinton qeyd edib ki, Şimali Koreya istisna olmaqla adı çəkilən ölkələrin hamısı İran neftinin idxalını ya azaldıb, ya da ondan tamamilə imtina edib: “İran rəhbərliyinə demək istəyirik ki, beynəlxalq ictimaiyyətin tələblərinə cavab vermədikcə, iqtisadi sanksiyaları və təcridi gücləndirəcəyik”.