Aralıq dənizində Avropa sahillərinə çatmaq istəyən azı 255 qanunsuz miqrant xilas edilib.
Bu barədə İtaliyanın "La Stampa" qəzeti məlumat yayıb.
Onlar 3 qayıqla Avropa sahillərinə doğru üzürmüş. Xilasetmə əməliyyatlarına İtaliyanın Sahil Mühafizəsinin Operativ Mərkəzi rəhbərlik edib. Qeyri-leqal miqrantların xilas edilməsinə həmçinin miqrantların qanunsuz daşınması marşrutlarının üzə çıxarılması üzrə əməliyyatda iştirak edən xüsusi hərbi bölmələr kömək edib.
Bununla yanaşı, qanunsuz miqrantların xilas edilməsində İspaniyanın "Proactiva Open Arms" qeyri-hökumət təşkilatı da iştirak edib. Bu qurumun müəyyənləşdirdiyi qaçqınlardan 36-ı uşaqlardır.