Nüvə proqramı ilə bağlı problemi həll olunmayan Tehran hakimiyyəti yeni bir iddia ilə çıxış edib. İran İslam Respublikası ilk sualtı atom qayığının tikintisinə başlayıb. Məlumatı ölkə KİV-ə Hərbi Dəniz Qüvvələri komandanının müavini admiral Abbas Zamani verib.

Admiral müsahibəsində deyib ki, bu layihə başlanğıc mərhələdədir: “Biz dinc məqsədli nüvə proqramımızı inkişaf etdirməklə yanaşı, hərbi hücumları dəf etmək üçün ağır atom sualtı qayığı da tikmək hüququmuz var”.