2012-ci ilin 11-17 iyun tarixlərində Macarıstanda keçirilən 17-ci Dunay Beynəlxalq Karnavalın son günündə yekun qala konsert təşkil edilib.

Budapeştin Margit adasında keçirilən konsertdə 10 ölkənin nümayəndələri, o cümlədən Gəncə Dövlət Filarmoniyasının “Göygöl” Mahnı və Rəqs Ansamblı iştirak edib.

Qala konsert zamanı keçirilən rəqs müsabiqəsində Azərbaycan nümayəndələri 3-cü yer tutaraq, bürünc medalla mükafatlandırılıb. Bununla yanaşı, konsert zamanı Azərbaycanın xalq və bəstəkar mahnıları, milli rəqsləri ifa olunub.