Azərbaycan Milli Məclisində dövlət müstəqilliyinin bərpasının 20-ci ildönümünə həsr olunmuş xüsusi iclas başa çatıb.

İclasda çıxış edən millət vəkilləri müstəqilliyin 20 illiyi münasibətilə Azərbaycan xalqını təbrik ediblər. Deputatlar həmçinin müxtəlif təkliflərlə çıxış edib, səsləndirilən təkliflərə münasibət bildiriblər.

Milli Məclisin sədri Oqtay Əsədov bildirbi ki, sovetlər birliyinin dağılması ilə 1991-ci il oktyabr ayının 18-də dövlət müstəqilliyini bərpa edən xalqımız Azərbaycan Xalq Cümhuriyyətinin zəngin ənənələrindən istifadə edərək tarixi varislik üzərində müstəqil dövlət yaradıb."Təəssüf ki, müstəqilliyin ilk illərində ölkəmiz çox mürəkkəb problemlərlə qarşılaşıb, çox çətin vəziyyətə düşmüşdü. Erməni təcavüzü, xarici ölkələrin Azərbaycana qarşı təxribatı ilə üzləşmişdik”. Daha sonra “Azərbaycan 20 il-Müstəqilliyin bərpası adlı” filim nümayiş etdirilib.
Daha sonra Milli Məclisin sədr müavini Ziyafət Əsgərov çıxış edib. O, Azərbaycanın XX əsrin əvvəllərində əldə etdiyi müstəqillikdən bəhs edib.