Milli Dirçəliş Hərəkatı Partiyasının sədri, millət vəkili Fərəc Quliyevin təşəbbüsü ilə Suraxanı rayonunda seçicilərlə mütəmadi görüşlər keçirilir. Hər həftə bir ərazidə yaşayan seçicilərlə keçirilən növbəti məhəlli görüş Yeni Günəşli qəsəbəsi, “AB” yaşayış sahəsi, 131 saylı binanın həyətində keçirilib. Görüşdə həmin binada yaşayan sakinlərin problemləri dinlənilib, etdikləri müraciətlər deputatın köməkçisi Həbib Ələkbərov tərəfindən qeydə alınıb, ərazilərlə bağlı müraciətlərə isə yerində baxış keçirilib.
Bundan əlavə sakinlərlə milli və dövlətçilik maraqlarının qorunmasının və hər hansı separatçılığa qarşı mübarizədə dövlətin yanında olmanın vacibliyi ilə bağlı səmimi söhbətlər aparılıb.
Seçicilərlə bu şəkildə görüşün keçirilməsi sakinlər tərəfindən razılıqla qarşılanıb və onlar millət vəkili tərəfindən göstərilən bu diqqətə görə minnətdarlıqlarını bildiriblər.
H.Ələkbərovun verdiyi məlumata görə, görüşdə edilmiş müraciətlərin bir qismi ilə bağlı sakinlərə müvafiq izahatlar verilib, qeydə alınan problemlərin həlli ilə bağlı isə artıq Fərəc Quliyev tərəfindən ümumiləşdirilərək aidiyyatı üzrə müraciətlər göndərilmişdir.