Gələn həftə Azərbaycan və Türkiyə arasında Transanadolu qaz kəməri (TANAP) layihəsi ilə bağlı hökumətlərarası saziş imzalanacaq.
«Reuters» agentliyinin məlumatına görə, bunu Türkiyə hökumətinin rəsmiləri bildiriblər.
«İmzalanacaq sənəd layihəsinin hazırlanması ilə bağlı işlər artıq son mərhələdədir. Hökumətlərarası sazişin gələn həftə İstanbulda imzalanması planlaşdırılır», - deyə Ankaradakı məlumatlı mənbə bildirib.
Digər rəsmi mənbələrin məlumatına görə isə, imzalanma mərasimi iyunun 26-da Azərbaycan prezidenti İlham Əliyev və Türkiyənin baş naziri Rəcəb Tayyib Ərdəğoanın iştirakı ilə keçirilə bilər.