Qazaxıstan Bakı-Tbilisi-Qars (BTQ) dəmir yolu vasitəsilə Türkiyəyə növbəti yük qatarını göndərib.

1,5 min ton buğda 72 konteynerlə Qazaxıstanın Kustanay stansiyasından Türkiyənin Mersin limanına yola salınıb.

Bildirilib ki, BTQ vasitəsilə gələcəkdə Türkiyəyə mərci, noxud və digər bitkilərin göndərilməsi nəzərdə tutulub.

Qeyd edək ki, Bakı-Tbilisi-Qars dəmir yolu 2017-ci ilin oktyabr ayında fəaliyyətə başlayıb. Rəsmi açılış mərasimi oktyabrın 30-da keçirilib.