Misirin yeni seçilmiş prezidenti Məhəmməd Mursi İranla strateji ittifaq qurmaq niyyətindədir. Məhəmməd Mursi bunu İranın “Fars” agentliyinə müsahibəsində söyləyib.
Məhəmməd Mursi deyib ki, regionda strateji balans yaratmaq məqsədilə İranla əlaqələri genişləndirmək arzusundadır: “Misir-İran münasibətlərinin yaxşılaşması regionda təzyiq balansı yaradacaq. Bu, mənim proqramımın tərkib hissəsidir”.
Qeyd edək ki, Misirlə İran arasında diplomatik əlaqələr 1979-cu ildə İranda islam inqilabı baş verəndən sonra dayanıb.