Türkiyə Azərbaycan Dərnəkləri Federasiyasının (TADEF) başqanı Bilal Dündar və TADEF-in İdarə Heyətinin üzvləri Türkiyə Böyük Millət Məclisinin sədri Çəmil Çiçək, Türkiyə-Azərbaycan dostluq qrupunun başqanı Necdet Ünüvar, AKP, CHP, MHP-nin parlamentdəki fraksiya rəhbərləri və digər millət vəkilləri ilə görüş keçiriblər.

Bu barədə Davam.Az-a Diasporla İş üzrə Dövlət Komitəsindən məlumat verilib.

Görüşdə Azərbaycanla əlaqələr, Türk və Azərbaycan diasporlarının əməkdaşlığı, XX əsrin ən ağır faciələrindən olan Xocalı soyqırımının Türkiyə tərəfindən tanınması məsələsi müzakirə olunub.