Güney Azərbaycanlılar Urmu Gölünü qurumaqdan qurtarmaq üçün öz mübarizələrini müxtəlif formalarda davam etdirirlər.

Məlumata görə, Tehranın müxtəlif məntəqələri o cümlədən İslamşəhr, Hümmət və Niyayış otubanlarında yazılı parçalar asılıb.

Soydaşlarımız Parçalar üzərində yazılmış şüarlar vasitəsi ilə İran rejiminin Urmu Gölünün qurudulmasına yönəlik siyasətinə etiraz ediblər.

Parçalar üzərində “Ədalətli dövlət Urmu Gölünü bilərəkdən qurudur”, “Urmu Gölünü dəstəkləmək = Sistemin əleyhinə təbliğ!!!” və s. kimi şüarlar yazılıb.

Xatırladaq ki, bundan öncə də Güney Azərbaycanın müxtəlif şəhərlərində oxşar parçalar və şüarlar yayılıb.