Türk dünyası çox zəngindir. Əsas məqsədimiz bu zənginliyi – türk mədəniyyətini, incəsənətini, mədəni irsini təbliğ etmək və tanıtmaqdır.

Bu fikri Beynəlxalq Türk Mədəniyyəti və İrsi Fondunun prezidenti Günay Əfəndiyeva müsahibəsində deyib.

Bildirib ki, beynəlxalq forumları UNESCO kimi mötəbər təşkilatda təşkil etməklə türk dünyamızı yaxından tanıda bilərik.

Forum müxtəlif ölkələrin türkoloqlarını, alimlərini bir araya gətirir. Onlar tədqiqatlarını bölüşür və türk dünyasını yaxından tanımağa töhfələrini verirlər. Belə görüşlər türkdilli ölkələr arasındakı əlaqələrin möhkəmlənməsində böyük rol oynayır.