Ağdamın “Qarabağ” futbol klubu Türkiyəyə yollanmışdır.
Klubdan bildirmişlər ki, 2012-2013-cü il mövsümünün hazırlıqlarına başlayan komandamız təlim-məşq toplanışının ilk mərhələsində Ankaranın Qızılcahamam bölgəsindəki “Patalya” otelində məskunlaşacaqdır.
Komandanın Türkiyənin paytaxtında hazırlığı 2 həftə davam edəcəkdir. İyulun 14-də Vətənə qayıdacaq “Qarabağ” üç gün sonra təlim-məşq toplanışının ikinci mərhələsinə başlayacaqdır. Yenə də qardaş ölkəyə yollanacaq komandamız bu dəfə Boluda məskunlaşacaqdır. Komandamız iyulun 29-dək təlim-məşq toplanışını davam etdirib Bakıya qayıdacaqdır.