İran parlamentinin Sənaye və Mədən Komissiyasının üzvü, Urmu şəhərinin millət vəkili Nadir Qazipur, Nazirin sözlərinə münasibət bildirib.Qazipur İqtisadiyyat və Maliyyə nazirinin “bəziləri ölkənin statistika sistemini yalan qələmə vermək istəyirlər” sözünə belə cavab verib: “Dövlət rəsmiləri bir mövzu ilə bağlı fərqli statistika bəyan edir və sonra da iddia edirlər ki, bəziləri dövlətin statistikasından başqa statistika deyib və bununla da təxribata əl atır”.
Qazipur “Xane-ye millət” saytının müxbirinə belə deyib: “Dövlətin hərəkəti o qədər tənqidə layiqdir ki daha ziddiyyətli statistika göstərməklə heç bir təxribata ehtiyac yoxdur”.Bu barədə Millət vəkili İran parlamentində də danışıb: “Heyət-i dövlət ziddiyyətli statistikalar irəli sürür. Məsələn Urmu Gölü mövzusunda nəzərdə tutulan büdcə ilə bağlı prezident, onun müavinləri və nazirlər müxtəlif rəqəmlərdən danışırlar. Bu rəqəmlər bir-biri ilə ziddiyyət təşkil edir və bununla da dövlət statistikaları sual altına düşür”.