Türkiyənin Ordu şəhərinə yağan leysan yağışlar nəticəsində bir avtomobil körpüsü uçub, bəzi ev və iş yerlərini su basıb.

Anadolu agentliyi xəbər verir ki, çay və göllərin daşması nəticəsində yaranan sel əsasən şəhərin Ünye, Fatsa və Çaybaşı qəsəbələrində ağır fəsadlar törədib. İş yerlərində köməksiz vəziyyətdə qalan 715 işçi təxliyə edilib. İnsanların təxliyəsinə helikopterlər də cəlb olunub.