İndoneziyanın Lombok adasında 6,9 bal gücündə zəlzələ baş verib. Bu barədə Avropa-Aralıq dənizi Seysmoloji Mərkəzi məlumat yayıb.

RİA Novosti agentliyi xəbər verir ki, yeraltı təkanlar bazar günü 14:56-da qeydə alınıb. Zəlzələnin ocağı 10 kilometr dərinlikdə yerləşir.

Xatırladaq ki, avqustun 5-də Lombok adasının şimalında 7 bal gücündə zəlzələ baş verib və təbii fəlakət nəticəsində 436 nəfər ölüb.