ABŞ-ın (Amerika Birləşmiş Ştatları) Hərbi Dəniz Qüvvələrinin (HDQ) “Con K.Stennis” (CVN-7) zərbə endirici atom gəmisi gözlənilmədən Yaxın Şərqə doğru, çox güman ki Ərəb dənizinə, İran sahillərinə yan almaqdadır.

İTAR-TASS-ın verdiyi xəbərə görə, bu barədə məlumatı bu gün Avropa diplomatik mənbələri yayıb.

Qeyd edək ki, bu ilin mart ayının 2-də “Con K.Stennis” gəmisi Fars körfəzindən Vaşinqton ştatının Kitsep limanına qayıtmışdı. Atom gəmisinin orada uzun müddət qalacağı, daha sonra isə Sakit okean (iqyanus) hövzəsinə qayıdacağı güman edilirdi.

Lakin məlumatlı mənbələrin bildirdiyinə görə, gəminin körfəzin yaxınlığındakı əraziyə qayıtmasına qərar verilib. “Con K.Stennis”in körfəzə artıq avqust ayında qayıdacağı gözlənilir.