Cürcüstanın Kvema Kartli-Borçalı bölgəsində “Borçalı türklərinin elat mədəniyyəti günü” keçiriləcəkdir.
Festivala hazılığın yekunlarına həsr olunmuş tədbirdə vurğulanmışdır ki, Gürcüstanda “Borçalı türklərinin elat mədəniyyəti günü” ilə bağlı hər il ənənəvi təşkil olunan bayram Azərbaycan milli mədəniyyətinin təbliği baxımından mühüm əhəmiyyət kəsb edir.
Eyni zamanda, türk dünyasının diqqətini bu qədim oğuz yurduna yönəltmək, Azərbaycan-Gürcüstan-Türkiyə strateji müttəfiqliyinin vacibliyini təbliğ etmək də bayramın əsas məqsədlərindəndir.
Bildirilmişdir ki, bayram tədbirlərində elat ənənələri və nümunələri nümayiş olunacaq, güləş, cıdır, futbol yarışları keçiriləcək, geniş konsert proqramı təqdim ediləcəkdir.