Qazaxıstan Prezidenti Nursultan Nazarbayev “Türküstan” beynəlxalq ticarət zonasının yaradılması haqda Sərəncam imzalayıb.

Dövlət başçısı Türküstan vilayət akimliyinə (qubernatorluğu) beynəlxalq ticarət zonasının yaradılması imkanlarını nəzərdən keçirməyi tapşırıb. Nursultan Nazarbayev bu qərarın həm Türküstanın, həm də bütün respublikanın iqtisadiyyatının inkişafına təkan verəcəyini bildirib.

Sərəncama əsasən, həmçinin “Türküstan” beynəlxalq keçid məntəqəsi yaradılacaq.

Dövlət başçısı türk dünyasının mədəni və mənəvi mərkəzi kimi Türküstan şəhərinin inkişafı ilə bağlı baş plan konsepsiyasını da təsdiqləyib.

Qeyd edək ki, 2017-ci il üçün “Türk dünyasının mədəniyyət paytaxtı” Qazaxıstanın Türküstan şəhəri seçilib.

İlahə Əhmədova