ABŞ Dövlət Departamenti Azərbaycanın Qobustan Milli Tarixi-Bədii Qoruğunu beynəlxalq muzeylər mübadiləsi proqramında tərəfdaş elan etmişdir. Bu barədə iyulun 17-də Dövlət Departamentinin mətbuat xidmətinin yaydığı məlumatda bildirilir.
Qobustan Milli Tarixi-Bədii Qoruğu ABŞ-ın Milli Hindu Tarixi Muzeyi və Amerikanın Smitsonian Milli Mədəni Tədqiqat İnsitutunun Siyasət və Təhlil şöbəsi ilə birgə “Qayalarda Yazılanlar: Azərbaycan və Pueblo Hindu icmaları arasında əməkdaşlıq” adlı layihə üzərində işləyəcəklər. Ümumilikdə, Dövlət Deprtamenti 2012-ci il muzey mübadiləsi proqramı üçün on qalib layihə elan etmişdir.
ABŞ Dövlət Departamentinin Maarif və Mədəniyyət məsələləri üzrə bürosu və Amerikanın Muzeylər Assosiasiyasının birgə həyata keçirdiyi “Museums Connect” adlı proqram ABŞ icmalarını dünyada yaşayan müxtəlif icmalarla muzey mübadiləsi layihələri vasitəsilə birləşdirir.
Bu ilki qaliblər ABŞ muzeylərini 13 müxtəlif ölkələrin muzeyləri ilə calaşdıraraq yerli icma üzvləri, xüsusilə də gəncləri bir-biri ilə tanış etmək məqsədi daşıyır.