İyulun 24-də Nizami Rayon İcra Hakimiyyətində (RİH) Azərbaycan Milli QHT Forumunun təşkilatçılığı ilə “Əlillərin və sağlamlıq imkanları məhdud olan insanların hüquqlarının müdafiəsi və onların cəmiyyətə inteqrasiyası” adlı layihə çərçivəsində seminar keçirilir.
Layihənin məqsədi əlillərin və sağlamlıq imkanları məhdud olan insanların qanunvericiliklə müəyyən edilmiş bütün sosial-iqtisadi, siyasi, şəxsi hüquq və azadlıqlarının təmin olunmasına dəstək vermək, onların hüquqlarının qorunmasını təşkil etməkdir.
Tədbirdə Nizami RİH-in, qeyri-hökumət təşkilatlarının və ictimaiyyətin nümayəndələri, KİV təmsilçiləri, habelə əlillər və onların ailə üzvləri iştirak edirlər.